Жена од Клирватер, Флорида, слушнала врева и звуци на кршење од првиот кат на нејзиниот дом околу 3 часот наутро. Таа ја повикала полицијата и решила да слезе за да види што се случува.
Нејзината кујна била скоро демолирана, шишињата со вино биле скршени, а оштетена била и масата и ѕидовите во кујната, а сред просторијата бил и провалникот.
Провалникот всушност бил алигатор од скоро 4 метри. Тој влегол во куќата така што скршил прозорец. Жената веднаш се јавила на службите кои дошле и го отстраниле алигаторот од нејзиниот дом.
За среќа жената немала домашни миленици така што ниту човек ниту некое животно не било повредено за време на „провалата“.
