Видео со Арабела, внуката на американскиот претседател Доналд Трамп, на кое може да се види како исполнува песна на кинески јазик, се претвори во вистински хит на интернет. Само за едно деноноќие клипот качен на Инстаграм профилот на Иванка Трамп е виден од над 18 милиони души. 5-годишната Арабела редовно ги демонстрира своите познавања на кинескиот јазик, а видео записи со нејзино учество редовно се објавуваат на кинеските сајтови. Со ова видео внуката на американскиот претседател ги поздравува сите Кинези по повот Кинеската нова година.
Во среда малечката и нејзината мајка Иванка присуствуваа на свеченост во кинеската амбасада во Вашингтон по повот Месечевата нова година. Во ноември минатата година таа стана една од личностите за кои најмногу се дискутира по кинеските мрежи, откако прочита стихотворба на мандарински од времето на династијата Танг.
