Во 1986 година британските весници биле полни со наслови за незамисливото злосторство – единаесетгодишно девојче задавило две помлади момчиња и се соочувало со затвор. Мери Бел потоа поминала дванаесет години в затвор поради убиството на Мартин Браун и Брајан Хауи, а до крајот на животот ќе биде прогонувана од печатот поради нејзиното минато. Што е тоа што натерало толку младо девојче да убие? Не е големо изненадување тоа што одговорот на ова прашање лежи во нејзиното лошо воспитување.
На 25 мај, 1968 година, еден ден по нејзиниот роденден, Мери Бел го задавила четиригодишниот Мартин Браун во една напуштена куќа. Таа и нејзината пријателка Норма Џојс Бел потоа разбиле во една градинка кадешто оставиле писмо со признание за вината на Мери.
Два месеци подоцна, Мери и Норма го задавиле тригодишниот Брајан Хауи. Мери подоцна се вратила на местото на злосторството за да ја вреже буквата „М“ на стомакот на детето. Покрај тоа, таа со ножици му ја исекла косата и го отсекла неговиот пенис. Злосторствата се случиле во предградие на Њукасл во североисточна Англија.
Бети Бел, мајката на Мери, била проститутка и често ја оставала Мери сама кога работела. Во повеќе наврати Бети се обидела да ја убие својата ќерка, подметнувајќи ѝ лекарства наместо бонбони. Мери вели од четиригодишна возраст нејзината мајка ја присилувала на сексуални односи со мажи.
Двете девојчиња биле обвинети за убиство. Норма била ослободена, но на Мери ѝ била изречена казна затвор без прецизирано времетраење. По изрекувањето на казната, Бети Бел раскажувала лаги за својата ќерка со цел да извлече пари од медиумите.
Во 1980 година, на возраст од 23 години, Мери Бел конечно била ослободена. Ѝ бил обезбеден нов идентитет и четири години подоцна родила ќерка. Нејзината ќерка не знаела за минатото на својата мајка, сѐ додека репортерите не ја откриле нејзината местоположба во 1998 година.
Бел и нејзината ќерка биле присилени да ја напуштат нивната куќа со чаршафи преку глава за да се скријат од камерите. Првично анонимноста на ќерката на Мери била гарантирана до нејзината осумнаесетгодишна возраст, но во 2003 година добила судски спор при што гаранцијата за анонимност била продолжена доживотно. Шест години подоцна се дознало дека Мери Бел станала баба.
Во текот на нејзиниот живот, присуството на Мери во медиумите предизвикало крајно спротивставени ставови. Некои во неа гледаат жена којашто очајно се труди да ги исправи грешките од минатото, додека други се ставаат на страната на семејствата на жртвите и веруваат дека Мери Бел профитирала од нејзините злосторства.
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
