Горчливата Студена војна меѓу САД и Северна Кореја заврши кога претседателот Трамп и Ким Џонг Ун се појавија пред светскиот печат да се ракуваат. Но, сето тоа не беше како што изгледа бидејќи станува збор за двајца шегаџии кои предизвика вознемиреност на церемонијата на отворањето на Зимските олимписки игри. Рамо до рамо влегле на церемонијата на која присуствувале и потпретседателот на САД и сестрата на Џонг Ун, кои седеа во ВИП-ложата на другата страна на стадионот со 35.000 седишта.
Обезбедувањето набрзо ги забележало и ги испратило го влезот. Но, тие не биле побрзи од стотиците телефони и апарати кои го фатиле овој комичен момент. Двајцата имитатори се појавиле пред просторот за седење на медиумите и почнале да позираат.
Еден сведок рекол: „Ова беше многу забавно, бидејќи неколку луѓе мислеа дека овие момчиња се вистинските во почетокот. Беше многу ладно, а овие комичари ги загреаа сите. Имаше повеќе внимание на нив отколку кон спортистите.“
Имитаторот на Ким рекол дека двајцата мажи одлучиле да се појават заедно во Сеул за да му покажат на светот како би изгледал мирот доколку овие двајца лидери се сложуваат.
„Ние се сложуваме одлично, па верувам дека Доналд Трамп и Ким Џонг Ун, ако разговараат, најверојатно ќе се сложуваат. Бидејќи по мое мислење, тие се прилично истата личност. Затоа, да почнеме да зборуваме и да престанеме со сите проектили и сè друго. Сакаме мир, сите сакаат мир, никој не сака војна.“, изјавил имитаторот на Ким.
