Не, ние не сме нападнати од вонземјани (сѐ уште), но оваа џиновска лигња навистина изгледа како да дошла од Марс. Овие суштества не се многу дружељубиви и претпочитаат да живеат во длабочините на океанот, што средбите со нив ги прави прилично ретки. Сепак, Шел Оил Компани го објавија видеово снимено во 2007 година на кое еден од нивните подводни ровери дошол во контакт со лигњата наречена Magnapinna (Лигња со долги пипала). Лигњата ја нашле во Мексиканскиот залив, во близина на една од нафтените платформи на компанијата.
