Познатиот англиски автор, поет и книжевен критичар Семјуел Џонсон еднаш рекол дека „Кога еден човек е уморен од Лондон, тој е уморен од животот. Бидејќи во Лондон има сè што животот може да си го дозволи.“ Сега е 2017 година и ова се уште важи, бидејќи Лондон е еден од најпосетените градови во светот. Додека повеќето луѓе ќе ви кажат дека Лондон е еден голем голем град, вистината е дека има уште еден Лондон внатре во Лондон.
Лондонскиот град лоциран во градот Лондон е всушност оригиналниот Лондон. Меѓутоа, за да ги направиме работите појасни, треба да се вратиме речиси 2.000 години во историјата, кога Римјаните ја нападнале Британија и ја основале населбата Лондинум.
Околу два века по неговото основање, Лондинум веќе бил голем римски град, со население од над 10.000 луѓе. Тој бил еден од најважните трговски центри во Римската Империја, а Римјаните добро се грижеле за него, градејќи тврдини за заштита, вклучувајќи го и џиновскиот Лондонски ѕид, дел од кој може да се види и денес.
Лондонскиот ѕид го дефинирал обликот и големината на градот. Но, што е уште поинтересно, градот Лондон останал во рамките на ѕидот во текот на повеќе од 18 века и не се прошири подалеку. Животот во Лондинум продолжил откако Римјаните заминале и иако градот доживеал тешки времиња, неговата локација се покажала толку добра и тој бил вратен во својата поранешна слава. Трговијата повторно напредувала, а градот растел и економски и во популацијата.
Просперитетниот трговски центар не останал незабележан од Вилијам Освојувачот, кој одлучи да не го нападне и наместо тоа, дојде на пријателски начин во Лондон, нудејќи им на своите граѓани некои привилегии и признавање на нивните слободи, но за возврат им било побарано да го признаат како нов крал. Граѓаните од Лондон го признаа Вилијам Освојувачот како нов крал и ги стекнале своите авторитети и слободи. Во текот на годините, многу монарси се смениле, но градот Лондон и слободата на неговите граѓани останале недопрени.
Вестминстер бил изграден во близина со цел да се натпреварува со моќниот град Лондон и ова бил периодот кога се родил вториот Лондон. Новиот град брзо се проширил и на крајот го опколил градот Лондон. До 1889 година, округот Лондон бил формиран и името се почесто се користело за поголемото подрачје што го опкружувало оригиналниот град Лондон.
Градот Лондон продолжил да функционира самостојно, дури и по 1965 година, кога Лондонските окрузи биле укинати и формиран е Голем Лондон. Градоначалникот на Големиот Лондон нема никаква врска со оригиналниот град Лондон, кој сеуште има посебни управни тела и градоначалник. Всушност, градот Лондон е толку независен што има свое знаме, грб, полициски сили, церемонијални вооружени сили и градоначалник кој има специјална титула.
Доколку монарх сака да влезе во градот првин треба да побара дозвола од градоначалникот. Од пописот во 2011 година, градот Лондон има население од 8.072 и површина од околу 3 километри квадратни.
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
