Џастин Левен не можел повеќе да се движи откако доживеал хернијација на лумбалниот диск и оштетување на нервите кога се онесвестил, откако кашлал, два дена пред неговиот 21-ви роденден. Тој не дозволил неговиот инвалидитет да го спречи да напредува во животот и се натпреварувал како меѓународен спортист во инвалидска количка.
Но, Џастин вели дека тој бил „понижен и деградиран“ кога работниците на аеродромот Лутон ја заборавиле неговата инвалидска количка за време на летот и му понудиле да го туркаат низ терминалот во инвалидска количка.
Тој вели дека понудата на аеродромот би значела дека тој би бил врзан и не би можел да се прилагоди. Фотографии од мобилен телефон снимени од еден од неговите пријатели го покажуваат како се влече низ терминалот Лутон со рацете, пред да седне на количка за багаж.
Тој сега го тужи аеродромот Лутон, велејќи дека му била оневозможена независноста од нивната понуда за превоз, и затоа нивните постапки биле дискриминаторски.
„Бев лут што никој од вработените не изгледаше како да ја разбира позицијата во кој сум јас или како се чувствувам и немаа сочувство за она што се случуваше.“, изјавил Џастин. Тој поднел тужба против аеродромот.
Портпаролот на аеродромот Лутон изјавил: „Откривајќи дека летот на г. Левен од Хрватска пристигнал без неговата инвалидска количка, нашите тимови работеа напорно за да најдат решение, нудејќи му на Левен асистирана инвалидска количка како привремена замена. Г-дин Левен ги одбил сите понуди за помош. Додека се извинуваме ако г. Левен не е задоволен од услугата што ја добил, ние сме задоволни што нашите агенти и вработени направиле сѐ што можеле во тешките околности.“
