Секој од нас има омилен цртан филм од детството, кој кога ќе го гледаме и денес ни предизвикува насмевка и топлина во душата. „Кралот лав“, „Аладин“, „Приказна за играчките“ – повеќе од една генерација порасна на овие и други култни приказни.
Некои од овие ликови го дочекаа повторното раѓање и станаа филмови, други пак ќе се преродат или ќе имаат долгоочекувано продолжение за повторно да ја освојат љубовта на милиони гледачи, без разлика на возраста.
Кралот Лав
Кралот лав за прв пат беше прикажан во 1994 година и брзо стана најпродаваниот цртан филм на сите времиња и народи, освои неколку престижни награди и јавно признание. И сега, по толку многу години, доаѓа друга премиера. Во 2019 година, во чест на 25-годишнината од цртаниот филм, ќе се издаде римејк, кој секој би сакал да го погледне.
Аладин
Авантурите на уличниот крадец Аладин ги освоија срцата на децата, па и возрасните. Патем, Вил Смит ќе ја игра улогата на волшебниот дух.
Дамбо
Приказната за слончето со големи уши ја освои публиката во 1941 година. По речиси 80 години, Дизни одлучи да го повтори успехот и му го довери филмот на Тим Бартон. Во главните улоги се: Ева Грин, Колин Фарел, Мајкл Китон и Дени Де Вито.
Приказна за играчките – 4
Приказна за играчките, 1995 година – прв долгометражен филм изработен целосно со компјутерски техники. Сепа добива уште помодерна и посвремена верзија, закоја сме сигурни дека ќе ја воодушеви публиката.
Мери Попинс се враќа
Уште една приказна за најдобрата дадилка во светот. Мјузиклот „Мери Попинс се враќа“ ќе биде продолжение на познатиот филм од 1964 година и ќе раскаже за тоа што се случило со сега возрасните Џејн и Мајкл Банкс и зошто Мери Попинс морала да се врати во Чери Лејн.
Мулан
Приказната за храбрата Мулан, која отишла во војна наместо својот постар татко, тешко можеше да остави никого рамнодушен. Врз основа на популарната кинеска легенда, цртаниот филм од 1998 година беше уште едно ремек-дело од студиото Дизни и не е ни чудно што одлучија да направат филмска адаптација.
Фроузен 2
Фроузен е релативно нов анимиран филм, поточно од 2013 година и освен што доби овации од публиката голем број на критичари го прогласија за надобар цртан филм на Дизни од оваа деценија, затоа тие одлучија во 2019 да ни го „подарат“ и вториот дел.
