Рускиот најпознат производител на оружје го претстави роботот од 4 метри кој ќе биде управуван од специјално обучени војници, кои ќе седат во него.
Калашников го презентираше нивниот робот заедно со носачи на возила и нови пушки на саемот Армија 2018, во паркот Патриот.
Златниот робот, наречен Игорек, сè уште е во развој и неговите креатори не сакаат да ги откријат сите негови карактеристики додека не завршат. Досега, сè што е познато за „контролираниот двоножен пешак“ е дека тежи 4,5 тони и, наводно, може да ги држи и да ги преместува предметите – вклучувајќи оружје – со своите канџи.
Кабината позади стаклените панели на роботот им овозможува на луѓето да седат и да ракуваат со робот одвнатре. Пилотите се заштитени од куршуми, шрапнели и било кој друг опасен предмет, зад оклопното стакло и металната обвивка.
Роботот е дизајниран за „инженеринг и борбени решенија“, според веб-страницата на Калашников. Компанијата е најпозната за производство на АК-47, што е најшироко употребувана пушка за вооружување во светот. Таа била дизајнирана во 1940-тите.
Околу 1.200 руски одбранбени компании и производители на оружје учествуваат на Меѓународниот воен технички форум „Армија 2018“.
