Тоа што многу научници со години предупредуваа дека ќе се случи, веќе е факт! Развојот на современите технологии доведе до сѐ помасовно навлегување на роботи во нашето секојдневие. Но, на изложба на напредни технологии во Кина се случи нешто неочекувано и посетителите станаа сведоци на „бунтот на машината против нејзиниот создател“. За време на изложбата во Шенжен, еден од роботите одеднаш „се шекнал“ и почнал да го руши штандот на кој бил изложен.
Вработен во компанијата производител веднаш тргнал да го врати „на вистинскиот пат“, но машината буквално го прегазила минувајќи преку него. Како резултат на тоа, инженерот бил сериозно повреден, по што медицинска екипа го изнела на носилка. Роботот многу наликува на R2-D2, прочуениот робот од „Војна на ѕвездите“.
Неговите творци од компанијата Еволвер се во целосна недоумица во поглед на тоа што можело да го предизвика неговото крајно агресивно поведение. Уште поголем проблем претставува фактот што роботот бил замислен и наменет за образовно-забавни игри со деца на возраст меѓу четири и дванаесет години.
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
