Адвокатите за развод и семејните психолози се најсоодветните луѓе кои ќе ви помогнат да ги препознаете црвените знамиња за започнување заеднички живот.
Поради нивното искуство, тие веднаш можат да откријат кои карактеристики на личноста ќе предизвикаат мали немири и кои во иднина ќе станат огромен проблем и може да доведат до раскинување или развод. Значи, тие се навистина добри советници кога станува збор за првите состаноци.
1. Дали си во брак?
Некои луѓе ќе мислат дека тоа е чудно прашање, а некои се премногу срамежливи за да го постават. Сепак, тоа е многу важно прашање на кое треба да се даде јасен одговор. Адвокатот за развод, Рандал М. Кеслер, објаснува дека „ние ќе раскинеме“, „сè е комплицирано“, „ние сме раздвоени“ и „ние ќе се разведиме наскоро“ не е исто како „Јас сум слободен/а. Бидете сигурни дека лицето со кое сакате да бидете во врска е исто така подготвено за сериозна врска со вас.
2. Дали го раскреваш креветот наутро?
Даниел Кеплер, семеен психолог, смета дека ова едноставно прашање ги открива приоритетите на личноста: што е поважно – чистота и уредност или времето, дали сакаат спор живот или сакаат брзо да живеат? Ова прашање, исто така, дава можност да го продолжите разговорот и да дознаете дали личноста која ви се допаѓа е ранобудник или ноќна птица и што сакаат да прават наутро.
3. Дали ги читаш коментарите или се потпираш на твојата интуиција?
Ова прашање лесно може да открие дали се разликувате од вашиот сакан/а или слично, односно сензуалена или интуитивна личност и дали тоа се совпаѓа со вашите карактеристики. Некои луѓе не можат да купат четка за заби без да прочитаат стотици коментари, додека други можат да одат на одмор и да резервираат хотел без да погледнат ниту еден коментар. Ако припаѓате на различни типови и однесувањето на вашиот нов или потенцијален партнер ве иритира, дефинитивно е разумно да размислите дали би можеле да живеете заедно.
4. Која карактеристика те иритира најмногу?
Кога сте на првиот состанок, луѓето се обидуваат да се покажат во најдобро светло. Но, може да има лични особини под површината, што би можеле да доведат до непростлив конфликт. Психологот Рајан Хоус објаснува: „Ако вашиот партнер сака уредност, а вие сте неуредна, тогаш двајцата имате голем проблем“. И може да се поврзе со било што друго, на пр. сакате тишина и вашиот партнер претпочита бучни забави.
5. Колку често комуницираш со родителите и роднините?
Фреквенцијата на комуникација со родителите и зависноста на лицето од нивното мислење може да игра одлучувачка улога во односот на парот. Адвокатот за развод, Карла Донели, потврдува дека всушност има луѓе во брак, кои сѐ уште им даваат приоритет на потребите на нивните родители и роднини над интересите на нивниот брачен другар. Од друга страна, лошите односи со родителите може да бидат знак на нестабилна ментална состојба. Овие луѓе не можат да бидат во врска долго време и можеби не знаат како да направат компромис.
6. Какво е твоето мислење за абортусот?
Да, правилно прочитавте. И, навистина, може да поставите и друго тешко прашање. Психологот Ден Арили го опиша својот експеримент каде група на млади луѓе што се запознале на интернет им било дозволено да ги прашаат нивните избраници само непријатни прашања што немаат никаква врска со времето, работата или другите банални работи. Како резултат на тоа, им помогнале на луѓето да се релаксираат, всушност да ги споделат своите скриени мисли и да доживеат голем спектар на емоции со што ја направиле нивната комуникација многу подобра. Во исто време, лицето кое го поставило прашањето можело да се покаже како добар слушател.
7. Раскажи ми за твојот најлош состанок.
Вреди да се поставува ова прашање ако сметате дека вашиот тековен состанок е успешен. Психологот Спенсер Скот објаснува дека тоа може да биде тест за тоа колку вашиот партнер е опуштен со вас и е подготвен да ви каже нешто лично. Од друга страна, ова е добар начин да се утврди дали тој/таа е навистина различен од вас, според она што го смета за „вистински кошмар“.
8. Како заврши твојата последна врска?
Карла Донели препорачува да ги дознаете причините за развод или раскинување во последните односи на вашиот потенцијален партнер. Тоа ќе ви помогне да разберете дали некое лице е способно да размислува за ситуација, да извлече вистински заклучоци или е повеќе склоно да ги обвинуваат другите и не може да ги признае сопствените грешки.
9. Ако освоиш 20 милиони долари, што би направил/а со парите?
Семејниот психолог Жани Инграм смета дека ова прашање може да го открие системот на вредности на една личност и да ви помогне да дефинирате дали се егзоцентрични или дарежливи и грижливи.
10. Како би сакал/а да бидеш запаметен/а, кога ќе остариш и ќе размислуваш за тоа како поминал животот?
Арон Андерсон, семеен психолог од Денвер, вели дека ова прашање ви помага да погледнете длабоко во умот на вашиот потенцијален партнер без да ги доведувате во прашање нивните избори.
