8-годишниот Семи Гринер стана славен и познат во светот уште многу одамна по својата фотографија која сигурно сте ја виделе до сега. Фотографијата е позната како „Успешно дете“ и сеуште е популарна и се споделува на интернет. Следува интересната приказна за тоа како семејството ја искористи фотографијата на „Успешно дете“.
Поминаа неколку години и Семи веќе порасна во прекрасно младо момче, но здравствената состојба на неговиот татко Џастин ненадејно се влоши. Му откажаа бубрезите и за трансплантација му требаа 75.000 долари. семејството реши да излезе во јавност, да им каже на сите дека „Успешното дете“ е нивниот син Семи и дека на татко му му требаат пари за операција. Хуманите луѓе донираа и татко му на Семи сега ќе добие нов бубрег.
