Авантуристка планира да го сруши Гинисовиот рекорд и да стане најбрзата патничка во светот посетувајќи 196 земји за 15 месеци. 27-годишната Кејси Де Пекол од Вашингтон тргнала на своето патешествие во јули 2015 година и сега се ближи кон крајот на нејзината епска мисија, посетувајќи 193 суверени земји, плус Тајван, Косово и Палестина. Досега смелата патничка пречкртала 180 земји и во текот на петнаесет месеци во авион се качила 254 паи. Проценува дека ѝ преостануваат уште 45 дена за да ја заврши својата вртоглава авантура.
Со нејзината страст за авантура, русокосата патничка почнала да го планира патештествието на нејзиниот живот на нејзиниот 25-ти роденден. Објаснувајќи ја нејзината жед за истражување, таа вели:
„Уште од училишните денови имав желба да ја посетам секоја земја во светот, интригирана да научам повеќе за секоја култура, природна средина и религија. Во Америка ја имаме таа среќа да имаме најразлични култури и луѓе од целиот свет кои ја прават земјата таква каква што е денес. Сакав да научам од каде сѐ потекнуваат овие луѓе, особено од каде потекнувам јас, бидејќи моите предци се од Европа. Се прашував што постои надвор од Северна Америка и како изгеда светот. Дали на Блискиот Исток е исто како што кажуваат на вести? А како е во Амазон? Патувањето во секоја земја за мене беше еден личен поход да научам колку што можам за светот, излегувајќи од мојата зона на удобност и да се привикнам на непознатото, истовремено оставајќи и наследство зад себе.“
Се проценува дека Кејси потрошила околу 196 000 долари во нејзиниот обид да го сруши рекордот, во што да го поднесе финансискиот товар ѝ помогнале редица спонзори. Спонзорите ѝ помогнале и за образовниот документарен филм кој Кејси го снимила попат.
