Кит Андерсон, посветен татко од Онтарио, изнашол уникатен начин да се потсетува на детството на неговиот син Каи – неговата десна рака е прекриена со тетоважи направени врз основа на цртежите кои Каи ги цртал почнувајќи уште од неговата петгодишна возраст.
„Првата тетоважа беше маргаритката. Ја тетовирав кога тој одеше во градинка“ – му кажал Андерсон на Ченс Фолкнер, фотографот кој го интервјуирал и ги снимил овие фотографии. „Потоа се навративме малку наназад и го тетовиравме неговото име и куќичката кои ги нацрта кога имаше четири години. Неодамна при тетовирањето беше присутен и син ми. И тој малку помогна во тетовирањето и многу му се допадна. Немам слушнато досега некој да тетовирал оригинална детска уметност, и многу е забавно. Луѓето ме прашуваат што ќе правам кога веќе нема да има место на мене; веројатно ќе му кажам да почне да црта помали цртежи.“
