95-годишниот старец со име Сју Десон веќе 46 години не се одделува од постелата во која лежи неговиот парализиран син. Силата на татковата љубов на која само можеме да и се восхитуваме. Животната приказна на овој човек е многу тажна.
На 17-годишна возраст Сју Баојин (сега има 65), најстариот од трите сина на Сју Десон си го повредил ‘рбетот при изградбата на семејната куќа и останал парализиран.
Таткото го носел синот на многу доктори во Шангај, но никој не можел да му помогн
Со години Сју Десон и неговата сопруга се менувале во грижата за нивниот син, но за жал во 1995-та година мајката починала. Од тогаш таткото сам се грижи за својот син.
Старецот редовно го капе својот син, а зимно време му ја мачка кожата со крем за да не му се суши.
Во последните 20 години таткото живее од 300 евра што му ги плаќа државата како пензија и помош. Другите двајца синови имаат свои семејства и свои проблеми и не можат да му помогнат на таткото околу грижата за нивниот брат.
Стариот татко сеуште редовно му ги масира зглобовите на синот и е многу загрижен што ќе се случи со синот по неговата смрт.
Хероите на нашето време не се политичарите и богаташите, туку обичните луѓе со своите мали, но големи подвизи. На каналот Победници, хероите на нашето време се на прво место.
