Археолозите немале поим за големината на проектот што го започнале кога почнаа да ископуваат археолошки локалитет во округот Сантана, Арад, Романија пред речиси една деценија. Сега сфатија дека се соочуваат со огромни остатоци од цитаделата од бронзеното време. Поточно, тоа е тврдина која е околу три пати поголема од познатиот град Троја.
Здружениот тим на романски и германски археолози првпат почнал да работи на локацијата на романската тврдина во 2009 година. За време на нивното истражување на локацијата имало малку застој, но работата повторно се интензивирала пред неколку години. Оттогаш, тие успеале да ги идентификуваат остатоците од тврдина од пред 3,400 години, која опфаќа 89 хектари.
Шефот на романскиот дел од истражувачите, Флорин Гогјалтан, од Институтот за археологија и историја на уметноста на Романската академија во Клуј-Напока, ги спореди двата археолошки локалитети:
„Троја имаше површина од 29 хектари, Цитаделата во Сантана покрива 89 хектари. Зградите на Троја беа направени од камен. Во Сантана зградите биле направени од глина и дрво, знак дека цивилизацијата била поразвиена и прилагодена на градежните материјали што ги имала. Се соочуваме со една од најголемите и најимпресивните тврдини во Европа.“
До денес, романско-германскиот тим ископал 55 хектари (135 акри) од „Старата цитадела“ (Цетатеја Вече) во округот Арад. Гогалтан вели дека: „Следејќи ги овие мерења, најдовме нешто што нè исплаши: огромна палата, со должина од 100 метри и ширина од 40 метри. Сакаме да продолжиме да копаме и, ако е можно, сакаме повторно да ја изградиме оваа тврдина, како што била пред повеќе од 3.000 години.“
Нивната работа досега сугерира дека старата цитадела на Сантана била изградена во 14 век п.н.е. за време на бронзеното време. Најсовремената технологија, исто така, се применува и за мапирање на тврдината. Рудигер Краузе, професор на Универзитетот Гете во Франкфурт и ко-водач на ископувањата, вели: „Цитаделата во Сантана е една од најголемите тврдини изградени во наведениот период. Нашата цел е да откриеме зошто е направена оваа тврдина, зошто била потребна оваа конструкција.“
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
