Од суровост до луксуз: Како изгледаат затворските ќелии низ светот, вклучувајќи ја и Македонија?

Сѐ повеќе и повеќе луѓе завршуваат зад решетки. Според Меѓународниот институтот за истражување на криминална политика, повеќе од 10,35 милиони лица се наоѓаат во казнени институции ширум светот, или како притворени лица. Во споредба со 2000 година, вкупниот број на жени кои отслужуваат казна се зголемил за околу 50%, додека машката затворска популација пораснала за околу 18%.

Но стапките на затворската популација значително се разликуваат низ целиот свет. На пример, САД имаат 698 затвореници за секои 100.000 граѓани, додека Данска има 61. И има повеќе разлики. Затвореникот на едно место би можел да има пристап до музички инструменти и видео игри, но може да се бори за една ролна тоалетна хартија во друг.