Девојчето Анастасија Књазева од Русија има само 5 години, а веќе има над 350 илјади следбеници на социјалната мрежа Инстаграм, и многумина сметаат дека ѝ претстои манегенска кариера. Сигурни сме дека кога ќе ги видите фотографиите на Анастасија, ќе ви биде јасно зошто целиот свет е воодушевен од убавината на малата Русинка.
Малата Анастасија е прогласена за најубаво девојче во светот поради неизмерно убавите сини очи и лице коешто многумина го споредуваат со порцеланска кукла и ангел. Поради исклучителната способност за позирање и природното однесување пред камера уште во своите најрани години, модните експерти ја нарекуваат вундеркинд во светот на модата. За нејзината кариера се грижи нејзината мајка Ана, која најчесто ја фотографира и ги објавува фотографиите на Инстаграм.
Најмладата славна убавица секој ден добива илјадници комплименти лајкови, а многу мајки ги користат нејзините фотографии како инспирација за фустанчиња и фризури на своите ќеркички. Анастасија успеа да ја симне од тронот Кристина Пименова, девојче од Москва која во својата деветта година стана мегапопуларна поради својата убавина.
