Целосно новиот A8 седан пристигна во одличен стил, со тоа што луксузната лимузина беше презентирана на Самитот на Ауди во Барселона во вторникот. Новиот А8 модел ќе излезе на пазарот следната година и го означува почетокот на нова автопилот функција и блага хибридна технологија на германскиот производител.
Иако ауди минатиот месец му дозволи на светот малку да го „ѕирне“ новиот А8 на премиерата на „Spider-Man: Homecoming“, ова е првиот пат кога можеме да го видиме автомобилот во вистинско светло. Целокупниот изглед на A8 е стилски, но сепак воздржан и е во согласност со естетиката на новата генерација на А4 и А5 модели, кои се веќе во продажба.
Под хаубата, Ауди ќе им понуди на купувачите повеќе опции, меѓу кои и три бензин, два дизел и еден хибриден погонски мотор. Опциите на бензинот вклучуваат 340 КС, 3.0 литарски турбо V6; 460 КС, 4.0 литарски турбо V8; И 585 КС, 6.0 W12 – сите ќе имаат нова блага хибридна технологија, која ќе му овозможи на автомобилот да се движи и по исклучување на моторот.
Севкупно, системот може да се пофали со повеќе од 50 километри чист електричен опсег. Покрај тоа, сите A8 ќе бидат опремени со осум-брзински Tiptronic автоматски менувач и Quattro перманентен погон на сите тркала. Внатре во елегантната кабина, патниците се третираат како во „високо технолошки луксузен салон“. На A8 ќе се прикаже најновата верзија на инфозабавниот систем на Audi со 4G LTE конекција во автомобилот.
Она што најмногу доминира во ентериерот е големиот контролен екран на допир, всушност целата централна конзола е стилски направена и без копчиња. Во исто време, возачот ќе има корист од најновата автопилот технологија на Ауди. Новиот А8 се очекува да има Ниво 3 автономност преку својот пилот систем за сообраќај. Според Ауди, системот ќе преземе целосна контрола над А8 на патиштата кога патува со брзина помала од 60 километри на час.
Системот работи со помош на повеќе камери, ултразвучни сензори и преден радар. Покрај тоа Ауди А8, ќе паркира сам. Од Ауди велат дека А8 има вкупно 41 опција за помош на возачот. Официјалните цени за новиот А8 сеуште не се достапни.
