Археолозите во Израел откопаа остатоци од огромен антички град кој е наречен „Њујорк од раното бронзено време“. Областа позната како Ен Енсур, може да се најде помеѓу градовите Тел Авив и Хаифа во Израел.
Сега, тоа е ништо повеќе од рушевини и карпи, но пред 5000 години ова место било раздвижен мегаполис исполнет со различни култури, широки улици, јавни плоштади и прекрасен градски ѕид.
Градот се протегал на над 65 хектари и се проценува дека имал 6.000 жители. Археолозите сметаат дека многу луѓе биле привлечени кон градот во голем број од селата, благодарение на присуството на два обилни извори на вода пронајдени во близина на населбата.
И покрај тоа што градот бил толку голем тој лежел неоткриен, сѐ додека случајно не го пронашле во 2017 година кога почнал да се гради нов автопат. Изненадувачки, работата на тимот откри и присуство на 7.000 години стари урнатини во подлабоки ископувања направени под куќите на овој град, посочувајќи дека античкиот град е изграден над една уште постара населба.
Неодамнешното ископување откри милиони фрагменти од керамика, алати и садови од базалтни камени, кои биле донесени на местото, што дава јасен показател за многу култури што некогаш се мешале тука.
Расчистувајќи низ прашината и урнатините, тие исто така можеа да добијат некои увид во духовниот живот на жителите на античкиот град. Тие ги откриле урнатините на огромниот храм, опкружени со јавна површина, двор и огромен камен базен, кој најверојатно се користел за време на изведбата на верски ритуали. Во рамките на оваа структура, истражувачите пронајдоа докази за запалени животински коски и ретки фигурини на луѓе.
Со оглед на возраста на градот, во комбинација со неговата големина и нивото на софистицираност, истражувачите велат дека ова откритие е прилично извонредно.
