Сѐ е во ред со вашиот монитор и не халуницинирате, ниту пак се работи за фотошоп.
Терфенс, Австрија
Оваа превртена куќа била дизајнирана од страна на полските архитекти Ирек Гловацки и Марек Розански. Да, и внатрешноста е исто така наопаку.
Ротердам и Хелмонд, Холандија
Наречени „Kubuswoningen“ (коцкести куќи), овие домови изгледаат како дело на некој откачен архитект, но всушност се феноменални: балансирани на шестоаголен столб, при што покривот на секоја од куќите е навалена за 45 степени и поврзана со соседната. Резултатот е уникатна и цврста градба.
Островот Гангва, Кореја
Ова кафуле е со навалени страни…
…и навалени врати.
А оваа куќа била изградена од поранешниот дизајнер за облека, 51-годишниот Џон Јунг Сун. „Па и нема некоја разлика помеѓу дизајнирањето облека и дизајнирањето градби“ – вели тој.
Оваа наведната куќа е сместена на ридесто место крај езерото Цунгпјонг. Дизајнерите се одлучиле на ова решение како начин да се постигне максимална изложеност на сончевата светлина.
Малме, Шведска
Дизајнирана од страна на шпанскиот архитект Сантјаго Калатрава, оваа увртена 54-катница содржи 147 станови, спа центар, винска визба и 24 часа портирска служба во 365 дена во годината. Наречена е „Торзо кое се витка“.
Прага, Чешка
Ко-дизајнерот Френк Гери куќава првично ја нарекол „Фред и Џинџер“ (според славните танчери Фред Астер и Џинџер Роџерс), бидејќи потсетува на танчерски пар.
Волверхамптон, Англија
Овој паб е изграден врз земјиште на кое се ископувало јаглен. Кога сопственикот на ископината извадил премногу, земјиштето се навалило, при што се накосила и зградата.
Сопот, Полска
„Krzywy Domek“ преведено од полски значи „крив дом (куќа)“ што е сосема соодветно за зграда која изгледа како одраз во криво огледало.
Аби Даби
Можеби не сте знаеле дека оваа зграда, наречена Капитал Гејт, а не Кривата кула во Пиза, го држи Гинисовиот рекорд за најнакривена кула во светот.
Сиднеј, Австралија
Уште едно ремек дело на Френк Гери од кое ќе ви се сврти умот. Во оваа зграда е сместена Бизнис школата на Сиднејскиот технолошки универзитет. Архитектот кажал дека бил инспириран од начинот на кој уметниците ги користат виткањата за да ги истражат боите, формите и сенките. Искривените форми продолжуваат и во внатрешноста, кадешто ѕидовите се обложени со гипс картон.
Виндзор, Англија
Според Википедија, во подрумот има таен премин, преку кој веројатно се доставувале производи од пазар директно во кујната на замокот.
Градбата е ваква бидејќи било употребено неисушено дрво.
Маргејт, Кент, Велика Британија
Создадена од британскиот уметник и дизајнер Алекс Чиник, оваа зграда го мами окото на набљудувачот да си помисли дека фасадата на оваа четирикатница почнала да се лизга, изложувајќи ја голата конструкција на најгорниот кат.
Виена, Австрија
Овој музеј изгледа како некој џин да фрлил некоја од блиските куќи врз него.
Сан Диего, Калифорнија
Куќава виси на едната страна на Џејкобс Хол при Калифорнискиот универзитет во Сан Диего.
Алберта, Канада
Оваа „црква“ со височина од 7 метри , алуминиумски рамки и црвено стагло се наоѓа во парк во Калгари, Алберта. Американскиот скулптор Денис Опенхајм вели дека „превртувањето на црквата наопаку ја прави поекспресивна, но не и богохулна. Не секој се согласува со ова.
