Истражувањето спроведено на Универзитетот во Сончевиот брег во Австралија открило дека младите возрасни, главно на возраст од 18-30 години, развиваат необичен израсток на задниот дел од черепот.
За можната причина за ова се вели дека е „механичко оптоварување“, кое е одговорно за овој израсток и кое е забележувано само кај повозрасни лица, а не кај некој кој има помалку од 40 години.
Необични израстоци на коските, се знае дека се јавува кај луѓето од старост, но студијата направена од Дејвид Шахар и Марк Г. Л. Сајерс изнесе нови и шокантни детали. По собирањето и анализирањето на податоците од 1.200 луѓе од двата пола, помеѓу 18-86 години, откриено е дека поради некоја причина, егзостозата, расте кај постари тинејџери и млади возрасни, а бројот на луѓе кај кои се случува ова се крева.
Интересно е што овие израстоци на коските растат на задниот дел на черепот и тие изгледаат како рогови. Всушност, разни медиуми објавија дека младите луѓе имаат „рогови“ на задниот дел од черепот, поради нивната употреба на мобилни телефони и друга технологија, долги часови, што е лажно. И покрај тоа што изгледаат како рогови, тие всушност не се рогови и не се мобилните телефони што треба директно да се обвинат.
Нешто се менува и нешто дефинитивно предизвикува промена. Според истражувањето, „механичкото оптеретување“ е одговорно за истакнување на коските, што може или не мора да вклучува употреба на технологија подолги периоди на време. Сепак, ова е само претпоставка направена од научниците за потенцијална студија.
Ваквите „рогови“ се пронајдени кај 40% од луѓето на возраст меѓу 18 и 29 години и ова е прилично шокантно. Друга можна причина за истото прашање може да биде лошото држење на телото. Веќе е познато дека лошото држење на телото влијае на обликот на нашата структура на скелетот. Можеби кај некои млади возрасни лица, вратот и ‘рбетот се толку воспалени, што телото расте нови коски за да ги поддржи.
Водечка причина за лошо држење на телото е староста, што објаснува зошто израстоците на коските најчесто се наоѓаат кај постарите луѓе. Но, треба да се напомене дека другите главни причини се работна во канцеларија, високи потпетици, технологија, носење тешки торби и лоша исхрана. Ако обрнете внимание, ќе откриете дека сите овие фактори се дневен дел од животот на младите во денешната генерација.
Се разбира, не можеме да се откажеме од работните места или да користиме технологија, но сигурно можеме да имаме во предвид дека нашите дневни активности влијаат на нашите тела на поголем начин отколку што сме мислеле.
