Ниските ридови во Молдавија, рамнините што се бакнуваат со Сонцето, чистите потоци и две големи реки, заедно со умерената клима која ја обликува Црното Море ги обезбедуваат сите идеални услови неопходни за одгледување на грозје. Виното е најпознатиот производ на Молдавија, ценет на истокот и западот. Додека биле дел од Советскиот Сојуз, се вели дека секое второ шише вино кое се консумирало во поранешниот Сојуз било направено од лозјата во Молдавија.
Богатата традиција на производство на вино во Молдавија датира од пред илјадници години. Фосилните докази сугерираат дека грозјето овде природно пораснало дури пред 25 милиони години, додека одгледувањето на грозје и виното е старо од 4.000 до 5.000 години. Молдавските винарии можат да се пофалат со илјадници хектари прекрасни лозја, но вистинскиот спектакл лежи под земја.
Во општината Милести Мици огромен подземен комплекс со тунели долги стотици километри, исполнети со вино. Според Гинисовата книга на рекорди, тоа е најголемата колекција на вино во светот со 2 милиони шишиња складирани во подрумите кои се протегаат на 200 километри, иако всушност се користат околу 55 километри.
Тунелите припаѓале на стари варовнички рудници. Кога рудниците ги затвориле во доцните 1960-ти, пештерите биле преуредени во винарска визба Mileştii Mici. Варовникот останува на постојано висока влажност (85-95%) и ладна температура (12-14 ° C) во текот на целата година, со што се создаваат услови идеални за стареење на црвено вино.
Винарската визба е толку голема што на тунелите им се дадени имиња како на улиците за да им се помогне на луѓето да се движат, а посетителите можат да ги возат своите автомобили и велосипеди низ масивниот подземен град.
Во близина се наоѓа и винаријата Крикова, која исто така е составена од широка мрежа подземни тунели кои се протегаат на околу 120 километри.
Таа е втора по големина винска визба во светот која содржи 1,5 милиони шишиња ретко вино, како што е гроздоберот од 1902 година „Ерусалим на Велигден“ и приватна колекција на нацистичкиот лидер Херман Геринг. За време на нацистичката инвазија на Советскиот Сојуз, големите дрвени буриња на винарската визба биле користени за криење на Евреите.
Тунелите се слични со оние на Милести Мици и освен тоа што им се дадени имиња според познати вина, толку се широки што низ нив може да помине и помал камион.
