Песната “Cloudbusting”, објавена од Кејт Буш во 1985 година, се базира на сеќавањата од детството на Петар Рајх за машината за дожд на неговиот татко, „Разбивач на облаци“. Вилхелм Рајх бил контроверзен австриски доктор и психоаналитичар кој, меѓу другото, експериментирал со вештачки стимулирачки врнежи од дожд.
До времето кога Рајх починал во затвор во 1957 година, тој станал озлогласен поради неговите радикални и отворени методи на сексуална психологија и псевдонаучни практики, наводно, ниедно академско списание не издало некролог за него.
Друг човек кој наводно создал уред за дожд, а за кого, според Епох тајмс, исто така има посветена песна, бил аргентински инженер по име Хуан Бајгори Велар. Напишана е на шпански, и ги вклучува следните стихови:
„Нека врне, нека врне
Бајгори е во пештерата
Приклучете го уредот и гледајте го дождот …“
Бајгори наводно, можел да ги прекине сезоните на суша во оддалечените области на Аргентина со користење на мистериозна машина која што ја измислил во 1930-тите и со која само тој знаел да управува. Денес, изненадувачки, нема трага од уредот на Бајгори.
Извештаите за машината на Бајгори можат да се најдат во разни новински архиви кои објавуваат приказни за него, и во Аргентина и на меѓународно ниво. Многу детали за личниот живот на Баигори се непознати или контроверзни. Епох тајмс пишува дека бил од баскиско потекло и дека студирал инженерство. Исто така, дипломирал геофизика во Милано, Италија.
Бајгори создал уред кој требало да ги пронајде подземните извори на вода преку генерирање на електромагнетни емисии. Се вели дека Аргентинецот забележал дека кога го употребил уредот, дека тој имал влијание врз непосредната околина, навидум предизвикувајќи мала количина на врнежи во неговата околина. Затоа, размислувал да го подобри уредот за да го користи за можеби позначајни работи.
Како што тврдат некои извори, се чини дека имал среќа во неговите напори. Тој измислил посложена машина која можела да привлече секакви облаци на небото. Дневните весници пишувале дека тој наводно создал врнежи во областите на Аргентина, кои биле сериозно погодени од суви сезони. Некои луѓе дури и го нарекувале „дождовен волшебник“. Штом имало суша во одредена област, тој произведувал дожд со мистериозниот уред.
Според Епох тајмс, во провинцијата Сантијаго, во северниот дел на Аргентина, тој ставил крај на период на суша што траела речиси една и пол година. Во друга прилика, во 1951 година, тој го посети Сан Хуан, оддалечена област која не видела дожд околу осум години. Веднаш потоа почнал да паѓа дожд.
Кога Бајгори починал како сиромашен човек во 1972 година, на возраст од 81 година, неговата машина, исто така, исчезнала. Никој не знаел каде се наоfа, ниту како функционира. Се шпекулира дека на денот на неговиот погреб врнеле „мачки и кучиња“, епилог кој можеби звучел како да е изваден од книга за магија.
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
