Се прекинуваат околу 20 бремености по вештачки пат годишно кога жените ќе дознаат дека нивното дете би можело да се роди со Даунов синдром. Тоа е основната причина поради која жени кои платиле скапи третмани за вештачко оплодување се решаваат на ваков чекор, утврдува анализата на Установата за човечка плодност и ембриологија на Велика Британија.
Активисти за правата на лицата со попреченост ги критикуваат жените што се решаваат на абортус поради ова, при што некои ги оквалификуваат како „еугенетичари“, додека други велат дека жените прават огромна грешка, бидејќи луѓето со Даунов синдром исто така можат да имаат квалитетен живот.
Не постои доказ дека бебињата зачнати по вештачки пат се повеќе подложни на генетски аномалии, иако постои ризик ембрионот да биде оштетен за време на всадувањето.
