Истражувачите од Кралскиот колеџ во Лондон направија значајно откритие за тоа како едно психоделично соединение активно во магичните печурки може да им помогне на пациентите кои страдаат од клиничка депресија. Мозокот очигледно се „ресетира“ од печурките.
Психоделиците како ЛСД и псилоцибин се популарни како „дрога за забави“, но се помалку познати за она што истражувачите тврдат дека се нивни терапевтски ефекти, што беше главен фокус за голем број клинички испитувања во последната деценија. Магичните печурки, на пример, беа во фокусот на некои неодамнешни истражувања кои укажаа како можат да помогнат во лекувањето на некои симптоми на клиничка депресија. На пример, една студија од САД минатата година покажа како една доза на псилоцибин може да ја запре анксиозноста и депресијата што ја чувствуваат пациентите со рак.
Сега, научниците од Кралскиот колеџ во Лондон откриле дека псилоцибинот, кој е активно психоделично соединение кое природно се појавува во магичните печурки, може да ја „ресетира“ активноста на мозокот кај пациенти кои страдаат од депресија. Нивната студија, која беше објавена во списанието Scientific Reports во петокот, нагласува како псилоцибинот им овозможил на пациентите „ударен почеток“ во борбата против клиничката депресија.
Истражувачите дале две дози (10 мг и 25 мг) на псилоцибин, со една недела разлика помеѓу секоја доза, на 20 пациенти. Веднаш по добивањето на дозата, пациентите рекле дека почувствувале намалување на симптомите на депресија, за кои скенирањето на МР на нивниот мозок открива дека се должи на намалување на протокот на крв во областите кои се вклучени во справување со емоционални реакции, стрес и страв.
На кратко, пациентите доживеале еден вид рестартирање. „За првпат покажавме јасни промени во мозочната активност кај депресивни луѓе третирани со псилоцибин откако не реагирале на конвенционалните третмани“, вели Робин Кархарт-Харис, раководител на психоделичното истражување. „Неколку од нашите пациенти опишаа чувство на ‘ресетирање’ по третманот и често користеа компјутерски аналогии. На пример, еден рече дека чувствувал дека неговиот мозок е ‘дефрагментиран’ како компјутерски хард диск, а друг рече дека се чувствувал ‘рестартиран’.“, вели Робин.
Истражувачите, сепак, потврдија дека иако нивната студија обезбедува нов прозорец во мозокот на луѓето кои земале психоделици, мал број на тестирани пациенти и отсуство на контрола / плацебо група го ограничува значењето на нивната студија. „Потребни се поголеми студии за да се види дали овој позитивен ефект може да се репродуцира кај повеќе пациенти“, изјави главниот автор, Дејвид Нат, директор на одделението за невропсихофармакологија на одделот за мозочни науки во Кралскиот колеџ. „Но, овие првични наоди се возбудливи и обезбедуваат уште една можност за испитување“. Истражувачите, исто така, предупредуваат против само-лекување со користење на овие психоделици.
