Лицето може да издаде многу важни информации за нашата личност. Кармен Е. Лефевр од Универзитетскиот колеџ во Лондон нè уверува дека нашиот изглед е комбинација од влијанието на гените, хормоните и начинот на живот.
Затоа нашето лице навистина може да биде огледало на нашата душа.
1. Формата на лицето
Научниците ја докажале врската помеѓу обликот на лицето и доминацијата. Проучувајќи го Светското првенство 2010, Кит Велкер од Универзитетот во Колорадо, потврди дека односот помеѓу ширината и висината на лицата на фудбалерите може да предвиди колку голови ќе постигнат.
Просечниот сооднос е обично околу 2. Соодносот на ширината и висината на лицето на Абрахам Линколн бил 1,93.
За да го пресметате соодносот на вашето лице, измерете го растојанието помеѓу ушите и растојанието помеѓу горната линија на очите и горната усна. Односот помеѓу овие две бројки ќе покаже колку се големи вашите шанси за успех. Според научниците, колку е помала бројката, толку се поголеми шансите.
2. Истакнатите јагодици
Една студија спроведена од научници од Универзитетскиот колеџ во Лондон покажа дека мажите со високо ниво на тестостерон имаат широки лица и истакнати јагодици. Нивото на овој хормон има директна поврзаност со агресивноста, доминацијата и бунтовничкиот дух. Патем речено, жените потсвесно го чувствуваат тоа.
Овој трик редовно се користи од филмските режисери кои избираат мажи со груби карактеристики на лицето за улогите на алфа-мажјаци, бунтовници и негативци.
3. Брчки
Брчките ја издаваат не само возраста на човекот, туку и неговиот карактер. Едно лице користи различни мускули на лицето за да се насмее, други за да плаче, трети за да се намурти или да крене веѓа. Со текот на времето, овие брчки ги покажуваат најчесто користените емоции на лицето, дури и кога се смирени и не размислуваат за ништо.
Брчи околу усните и очите велат оптимистички работи за вашата личност. Искрени сте и сакате да се смеете, а знаете да бидете и многу емотивни. Во исто време, брчките на челото и меѓу веѓите велат дека сте сериозна личност која поминала многу во животот.
4. Професија на една личност, од само една фотографија
Многумина од нас сакаат да се фотографираат од страна, мислејќи дека на овој начин изгледаме поатрактивни. Една студија на научници од Универзитетот во Јужна Австралија покажа дека причините за оваа акција се многу подлабоки. Излегува дека инженерите, математичарите и хемичарите почесто го свртуваат десниот образ кон фотоапаратот, додека уметниците и психолозите ја вртат левата страна на лицето кон камерата.
Имаше и разлика меѓу половите. Жените повеќепати ја вртат главата десно, покажувајќи го нивниот лев образ. Истражувачите веруваат дека левата страна на лицето се смета за поатрактивна бидејќи е контролирана од десната страна на мозокот која е одговорна за емоциите.
5. Вашето селфи е ваша кратка автобиографија.
Лин Ки, од Технолошкиот универзитет Нанјанг во Сингапур, анализирала 123 селфи фотографии земени од кинески сајт за микроблогирање сличен на Твитер. Таа откри интересна поврзаност меѓу типовите на личности и селфи фотографиите што ги прават. Пријателски настроените луѓе претпочитаат да се фотографираат себе од подолу. Оние луѓе кои се отворени за нови искуства почесто покажуваат позитивни емоции и не се плашат да изгледаат смешно на своите фотографии. Од друга страна пак невротичните луѓе имаат тенденција најчесто да да го прават озлогласниот “дакфејс” во нивните селфи фотографии.
Сепак, научниците не можеа јасно да ги дефинираат личните особини на луѓето на фотографиите. Ова е затоа што луѓето имаат тенденција да изгледаат подобро на нивното селфи отколку во реалниот живот, што ја отежнува задачата.
6. Големина на вашиот нос и вашите амбиции
Истражување базирано на 1.700 фотографии на лица, беше објавена во Journal of Craniofacial Surgery во 2013 година. Истражувачите испитуваа 14 различни форми на носови и ги поврзуваа со различни типови на личности. Резултатот покажа дека колку е поголем носот, толку поамбициозен е неговиот сопственик. Овие луѓе се повеќе склони да бидат перфекционисти.
Научниците дури го испитаа врвот на носот и заклучија дека ако е голем и месест, тогаш оваа личност ќе биде одличен инвеститор и финансиер, а ако врвот е мал и нежен, тогаш неговиот сопственик не се грижи најдобро за парите.
7. Ефектот на Доријан Греј
Дури и два идентични близнаци кои не можат да се разликуваат еден од друг, стануваат се поразлични со текот возраста. Тоа сигурно не е од гените, туку исклучиво од начинот на живот.
