Перењето алишта не е најзабавената домашна работа, особено со оглед на фактот дека валканата долна облека се натрупува додека да трепнеме.
Копенхагенскиот бренд, наречен Органски основи, излезе со решение за тоа – НАСА-инспириран, високотехнолошки, еколошко-пријателски пар долна облека кој очигледнос според нив „не треба да се пере со недели“.
Оваа долна облека доаѓа во многу различни стилови, вклучувајќи боксерки и танги. Тие исто така прават чорапи, маички, дури и крпи кои се направени од механички рециклиран најлон од пост-индустриски отпадни влакна, предиво од фабрики за предење и отпад од ткаенини, за кој се потребни 80% помалку вода за создавање и создава 90% помалку CO2 емисии.
Исто така, останува свежа многу подолго поради додаденото сребро, кое убива 99,9% од сите бактерии и мириси во облеката. Додавањето на овој метал било инспирирано од НАСА која користи сребро за прочистување на водата за астронаутите.
Во 2017 година компанијата одлучи да ја искористи публиката за да ја реализира оваа идеја и тие собраа повеќе од 155.000 долари, со што станаа најдонирана модна кампања во Скандинавија.
Сега тие се враќаат со нова идеја, Silvertech 2.0. – техно-напредна долна облека-отстранувач на мириси која се произведува од 100% рециклиран најлон.
Така, Silvertech 2.0 не е создаден само со употреба на одржливи материјали, туку го намалува влијанието на потрошувачите со тоа што ја намалува потребата за перење на долната облека толку често. „Ќе заштедите време и пари додека го намалуваме отпадот од вода и енергија“, објаснува Мадс Фибигер.
Мадс Фибигер, коосновач на „Органски основи“, објаснува: „Лошите индустриски стандарди ја прават модната индустрија втората најзагадувачка индустрија во светот, но факт е дека две третини од влијанието на облеката врз животната средина всушност го создава потрошувачот“, што значи перење и сушење.
„Органски основи“ исто така наведуваат дека за секоја нарачка ќе отстрануваат 100 килограми CO2 од атмосферата со инвестирање во Ветроелектрана во Чанак кале, Турција. Дали би ја купиле оваа долна облека?
