Да се игра улога на наркозависник не е лесна задача за секој актер. Улогата бара да имаш специфично и јасно разбирање за начинот на кој функционира еден човек кој е под дејство на дрога. А тоа не е воопшто лесно! Многу познати актери го добиле овој предизвик, да влезат во кожата на „наркомани“ за одредени свои улоги.
Џон Траволта во „Евтини приказни“
За да се подготви за улогата на зависник од хероин Винсент Вега во „Евтини приказни“ на Квентин Тарантино, Џон Траволта добива пеколно љубопитен совет. Му кажале дека доколку сака да види какво е чувството кога ќе пробаш хероин потребно е да се напие од текила, додека лежи во када со топла вода. Траволта решил да го послуша советот и неговата улога Винсент Вега беше брилијантна.
Гери Олдман во „Сид и Ненси“
Првично Гери Олдман не сака да ја игра улогата на Сид во биографскиот филм за фронтменот на Sex Pistols. Тој два пати ја одбил улогата, но бил убеден од агентот да ја прифати. За да го рекреира ликот, кој е зависен од хероин, британскиот актер одлучил да се подложи на опасна диета. Тој консумирал само риба и диња. На крај Гери завршил и во болница поради неухранетост.
Хит Леџер во „Кенди“
Во „Кенди“ Хит Леџер ја игра улогата на поет, кој е зависен од дрога. Покојниот актер донел радикална одлука, тој решил да не се појавува на сонце за кожата да му стане целосно бела и да наликува како на зависник на дрога. Леџер исто така поминал одреден период со зависник од дрога кој му покажувал како точно се вбризгува хероин.
Џаред Лето „Реквием за еден сон“
Џаред Лето е актер кој е познат по тоа што се внесува во сите негови улоги. Тој не прави исклучок и во „Реквием за еден сон“ каде што игра улога на момче зависно од дрога. Лето неколку недели живеел со нарко-зависници. Тој исто така изгубил толку многу од неговата тежина што се онесвестувал за време на снимањето на филмот.
Леонардо ди Каприо во „Волкот од Волстрит“
Ова е несомнено една од најдобрите улоги на Леонардо ди Каприо. Во овој филм тој го одигра Џордан Белфорт, кој прави милиони долари на берзата. Но, исто така не штеди пари за дрога, жени, алкохол и се останато. Во една сцена од филмот ликот на Леонардо е толку по дејство на дрога што не може да стои. За да види што точно прави еден таков човек, Леонардо го поканил самиот Џордан Белфорт и го замолил да му покаже како тој ползел по подот, а Леонардо сето тоа го снимил со камера, за да подоцна го проучи самиот. Исто така Леонардо изјавил дека гледал видео на Јутуб од „мртов пијан“ маж како се обидува да си го земе пивото, но не можел.
