Двојка која го реновирала својот дом добиле пријатно изненадување кога нашле куфер скриен на таванот во нивниот подрум. 35-годишниот сам-свој-мајстор вели дека веќе неколку години живеат во куќата изградена во 1940-тите, но досега ги имале реновирано само првиот и вториот кат од куќата, за дури сега да стигнат до подрумот.
Ваделе делови од правливиот таван на подрумот, кога нашле мал зелен куфер скриен во ѕидот.
„Ја извадив кутијата надвор и ја викнав жена ми. Внатре имаше нешто, но не беше тешко како да има монети или златни прачки. Можеби имаме среќа да најдеме стари обложувачки ливчиња – ѝ кажав на жена ми“, се присетува човекот.
Но, кога ја отвориле кутијата, внатре нашле три пакетчиња уредно завиткани во хартија, а дното на куферот било обложено со лист од весник со датум 25 март 1951. И кога го отворило првото пакетче, имале што да видат – куп пари. Во куферот вкупно имало околу 23 000 долари.
