Данскиот фотограф Питер Фанч фотографира на исто место 9 години. Во еден момент тој открил дека неколку пати случајно ја фотографирал истата личност и дека лицето ѐ изгледало речиси идентично со фотографиите направени пред неколку дена.
Тој заклучок се претворил во неверојатен проект наречен „42nd and Vanderbilt“.
Овие фотографии го опфаќаат периодот од 2007 до 2016 година и биле направени од 8:30 до 9:30 наутро во Њујорк. Уредувајќи ги снимките, фотографот дознал дека дневното снимање на истото место, во исто време, дава изненадувачки резултат: гледате дека истите луѓе ги повторуваат истите ритуали со години.
Уличната фотографија може да биде непредвидлива и полна со изненадувања. Веројатно дури и не сфаќаме дека ден по ден, и од година во година го правиме истото, ја јадеме истата храна, пиеме кафе од истото кафуле, ја имаме истата фризура, па дури и носиме иста боја на облека.
Кои се овие луѓе? Дали се тажни? Дали се среќни? Не е важно, тие се случајни минувачи на прометната улица, тие се дел од нас.
Само обични луѓе кои минуваат низ обична утринска рутина, брзаат да работат, подготвувајќи се за нивниот
напорен ден. Изгледајќи исто секој ден … Дали е клише или конзистентност? Вие избирате сами.
Ќе помислите дека овие две фотографии биле направени со разлика од само неколку минути. И ќе погрешите. Дали веќе ја проверивте вашата гардероба за да бидете сигурни дека вашите кошули се во повеќе од една боја?
Фотографот откри дека многу луѓе дури имаат и ист израз на лицето секое утро. Истите очила на истиот начин во истиот џеб.
Фотографот најверојатно направил илјадници фотографии за да ги најде најсличните.
Ние дури можеме да играме и игра. Што мислите кој е овој маж и што работи?
Дали оваа прекрасна девојка е студентка? Или учителка? Која и да е, таа изгледа постојано многу среќна.
Гардеробата е личен избор за сите. Сетете се дека еден од најголемите умови на нашето општество, Стив Џобс, ја носеше истата ролка, фармерки и патики секој ден со години и тоа не го спречи да стане голем човек. Не ги познаваме овие луѓе, но можеби и тие како Стив, немаат време за губење.
