Забавниот парк Сезам Стрит стана првиот парк во светот кој добил акредитација за аутизам. Забавниот парк од 5 хектари, кој се наоѓа на периферијата на Филаделфија, Пенсилванија, располага со тивки соби и специјален водич за да им помогне на родителите да ги испланираат посетите.
Наградата на паркот му била доделена како дел од американскиот Национален месец за подигање на свеста за аутизмот откако персоналот поминал специјална обука за свест и чувствителност за аутизам.
Акредитацијата доаѓа една година откако извонредното шоу воведе нов лик, мапет по име Јулија, која има аутизам.
Јулија
А што се однесува на другите ликови, забавниот парк спровел детално истражување, вклучително и консултации со едукатори и детски психолози, а во овој случај и организации за аутизам, за да разбере како најдобро да се нормализира аутизмот за децата кои не се аутистични.
Целта на ликот на Јулија била да се бори против стигмите поврзани со аутистичкиот спектар, со оглед на тоа што дијагнозите континуирано се зголемуваат.
Паркот, кој повторно ќе ја започне новата сезона на крајот од април, објавил на Твитер дека тој сега е првиот забавен парк во светот именуван како Сертифициран центар за аутизам.
Во објавата пишувало: „Нашата цел е да му обезбедиме на секое семејство пријатна и незаборавна посета.“
