Децата се цвеќиња на животот, но повеќето од нас најверојатно ќе имаат или имаат мал букет од 2 или 3. Сепак историјата раскажува за неверојатна жена која родила 69 деца, во 18-тиот век.
Според некои извори, нејзиното име е Валентина Васиљева, а таа го држи Гинисовиот светски рекорд за најголем број на родени деца. Ние ви нудиме можност да ја дознаете приказната за неа и сами да одлучите дали станува збор за вистина или легенда.
Преголемата плодност на руските селани
Валентина Васиљева била првата сопруга на селанецот Федор Васиљев од Шуја, Русија. Семејството живеело во 1700-тите, помеѓу 1707-1782. Се верува дека Валентина умрела на 76-годишна возраст и оставила зад себе потомци од 69 деца, од кои само 2 умреле како бебиња.
Според Гинисовата книга на рекорди, која тврдела дека е „најплодна мајка досега“, жената поминала низ 27 породувања: 16 од нив резултирале со близнаци, 7 со тројки, и четири со четворки.
Очигледно, таа не се породувала целиот нејзин живот. При пресметувањето на нејзините „плодни“ години, сфативме дека тоа најверојатно се случувало помеѓу 1725-1765 година. Ова ни остава 40 години за 27 породувања. Ова може да изгледа доволно на прв поглед, невозможно на втор поглед, и сомнително на трет поглед, па да направиме некои пресметки.
Можеби знаете дека просечната бременост трае 40 недели. Сепак, колку повеќе деца имате во утробата, толку е поголема веројатноста дека ќе се породите порано. Според пресметките на Би-Би-Си, г-ѓа Васиљева можела да има 37-неделни бремености со близнаци, 32-неделни бремености со тројките и 30-неделна бременост со четворките.
Ако го собереме сето ова, добиваме 936 недели. Една година се состои од 52 недели, па ако ги поделиме добиените бројки, добиваме 18 години. Значи, г-ѓа Васиљева морала да помине 18 години од својот живот со голем стомак. Звучи како прилично голем предизвик, зарем не?
Експертите за репродукција ја доведуваат во прашање целата работа
Како прво постои такво нешто како повеќекратна овулација, кога женското тело ослободува неколку јајца по циклус. Иако ова не е најчеста работа во светот (околу 5-10% од сите ваши циклуси), сепак има шанса Валентина да е само феномен. Особено посебна, ако успеала да го избегне синдромот на „исчезнувачки близнак“: феноменот што се случува кога еден од близнаците (или неколку) се апсорбира од плацентата, посилниот фетус, па дури и од телото на мајката. Синдромот е прилично чест кај мултифеталните бремености и се јавува во 21-30% од случаите.
Второ, бременоста и породувањето е тешка задача за телото на жената. Кога има една по друга бременост во помалку од 18 месеци, ризикот од компликации се зголемува и за мајката и за бебето. Телото на жената едноставно нема доволно време да се опорави од сите промени предизвикани од претходната бременост и да ги врати сите хранливи материи што ги изгубило.
Трето, експертите се сомневаат дека толку деца (како и нивната мајка) би преживеале дури и со денешната медицина, а камоли во руско село од 18 век. Во тоа време, секоја бременост била ризик. Додајте го фактот дека тие биле селани и морале да работат и да се грижат за децата во исто време. Ох, и не заборавајте на храна и облека за целата толпа.
Оваа приказна всушност е поткрепена со факти
На 27 февруари 1782 година, во Москва бил испратен список од Николски манастир, во кој стоело дека Федор Васиљев имал 82 деца во тоа време, од два брака. Неговата втора сопруга „го претставила“ со 18 деца: 12 близнаци и 6 тројки. Податоците од листата биле објавени во 1834 година во Санкт-Петербургската панорама.
Во 1783 година, The Gentleman’s Magazine објави статија во која е вклучена листа во врска со случајот на Васиљев. Авторот на листата вели дека „извонредната плодност“ може да потекнува од „мажот поединечно, или жената, или и двајцата заедно“, но е поверојатно е причината да е Федор, бидејќи се повторува приказната со неговата втора сопруга.
Статијата на Лансет тврди дека Француската академија на науките се обидела да го испита случајот и се обратила до Кралската академија на Санкт Петербург. Им било кажано дека Васиљеви живееле во Москва и добиле олеснувања од владата.
Бонус: „Семејството Васиљев“
Оваа фотографија често се смета дека го претставува семејството Васиљев, но ова всушност е грешка. На оваа слика, можете да го видите семејството на Џозеф Ф. Смит, еден од претседателите на црквата на Исус Христос и светците од последните денови. Тој се женел 6 пати и станал татко на 45 биолошки и 5 посвоени деца.
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
