Научниците од Југозападниот истражувачки институт (SWRI) објавија истражување во кое се истакнува нивното откривање на комплексни органски молекули на Енцелад, една од 53 месечини на Сатурн.
„Овие големи молекули богати со јаглерод произлегуваат од океанот под ледената површина на месечината, излегувајќи како мали облаци преку топли пукнатини. Оваа појава на комплексни органски молекули од течен океан го прави Енцелад единственото тело покрај Земјата кое ги има сите основни барања за живот, каков што го знаеме.“, изјавил ко-автор Кристофер Глин во соопштението за медиумите.
За нивниот труд, научниците се потпираа на податоците од вселенското летало НАСА, Касини, кое падна на површината на Сатурн во септември 2017 година. За време на прелетувањето во 2015 година, леталото го откри водородот во материите што излегуваат од пукнатините на површината на Енцелад. Водородот понекогаш служи како извор на енергија за микробите кои живеат во близина на хидротермалните отвори во океаните на Земјата, така што истражувачите се сомневаат дека водородот на Енцелад е формиран поради сопствената хидротермална активност на Месечината.
Ова не е првото откритие на органски молекули на Енцелад. Сепак, претходните откритија беа со едноставни молекули со маси под 50 атомски единици за маса – овие новооткриени молекули имаат маса поголема од 200 атомски единици за маса. Сепак, еден атом на јаглерод-12 е 12 единици на атомска маса, така што овие „комплексни“ молекули се многу мали.
Додека ова не може да биде откривање на вонземски живот, многумина чекаат, овие молекули да нѐ доведат еден чекор поблиску до наоѓањето.
