Дали некогаш сте посакале да живеете во Средна Земја? Ете, желбата може и да ви се оствари. Компанијата Грин Меџик дошла до идеја да гради мали монтажни куќички кои изгледаат исто како дупките на Хобитите и тројца луѓе можат да ги изградат за само неколку дена.
Исто како и хобитските дупки, овие куќички се изработуваат под слој почва и трева, а доколку сакате такво нешто, можете да одгледувате зеленчук на покривот. Доколку имате некој ваш дизајн, компанијата е отворена за секакви можности. Удобни еко-куќички кои совршено се вклопуваат во околната природа, и кои доста наликуваат на земјанките на старите Словени. Не мора ни да сте љубител на Толкин за да ви се допадне оваа замисла.
