Ова лето, австралискиот град Квинана инсталираше нов систем за филтрирање на вода во резерватот Хенли. Тој е многу едноставен и неверојатно ефикасен.
И владата и обичните граѓани веќе ги ценат предностите од неговата употреба и се многу задоволни.
Целиот систем за филтрирање е, всушност, само мрежа, фиксирана на излезот од дренажната цевка. Ги фаќа сите големи цврсти честички и ги држи внатре, со што ја штити водата од загадување.
Водата во овие цевки доаѓа од населени места и тече во најблиските природни области. Ѓубрето е изфрлено од поројните дождови, како и самите жители. Таквиот систем за филтрирање ќе го намали штетното и опасното влијание на човековата активност врз природата.
Градските власти започнале со поставување на смао 2 мрежи а резултатите ги шокирале: За неколку недели новиот систем за филтрирање собрал повеќе од 362 килограми ѓубре.
Потоа, било одлучено да се постават „стапици“ за отпадоци низ градот за да се минимизира загадувањето на животната средина. Цената за инсталацијата и производство на мрежи изнесува околу 10 илјади долари за секоја од нив. Но, генерално, употребата на овој систем е од корист, бидејќи е можно да се заштеди на трошоците за работна сила со одбивање на услугите на лицата кои рачно го собирале ѓубрето.
Кога мрежите ќе се наполнат, тие се креваат и фрлаат во камиони за ѓубре. Во центарот за сортирање сите елементи се делат во категории за понатамошна обработка.
Потоа мрежите се фиксираат повторно на цевките и продолжуваат да ја вршат својата работа.
Овој нов систем за филтрирање докажува дека едноставните решенија се често ефикасни и фокусирањето врз нив може значително да го подобри квалитетот на животната средина и стандардот на живеење на човештвото како целина.
