За повеќето, еден скромен надгробен споменик е сосема доволен за еден пристоен погреб. Други одбираат нивната пепел да се расее во морето. Но за Џон С. Мекмилин, ниедна од овие опции не била доволна. Пред да почине овој успешен бизнисмен, масон и посветен припадник на методистичката црква, тој за целото свое семејство изградил цел еден мавзолеј кој изобилува со симболизам. Не само што сакал да остави траен белег зад себе, туку сакал на сите да им покаже што е тоа што најмногу му значи, имено, семејството.
Мекмилин кренал мавзолеј за да ги смести останките на неговото семејство, длабоко во шума на гробиштата „Роче Харбор“ во Вашингтон. Мавзолејот е познат под името „Афтерглоу Виста“.
Влезот е грандиозен, покажувајќи што Мекмилин сметал за вредно – неговата работа и неговото семејство.
Во средината на отворената ротонда има маса од варовник, со дебели камени столови околу неа. Столовите се всушност еден вид надгробни споменици во кои е сместена пепелта на членовите на семејството.
На едно место на масата се чини дека има празно место, коешто треба да го претставува гробот на еден од неговите синови, но Мекмилин се одрекол од него поради тоа што неговиот син се одрекол од методизмот. Исто така, во ротондата има намерно „скршен“, т.е. недоврешн столб, кој ја претставува незавршената природа на човечкиот живот.
Доколку некогаш патот ве нанесе во американската држава Вашингтон, и посакате да го видите овој споменик од 19. век, тој се наоѓа на островот Сан Хуан.
