Новозеланѓаните имаат единствен начин за ослободување од ѓубрето…го закачуваат на огради. Градници, чизми, четки за заби, велосипеди, сето она што го „поминало“ својот животен век, тие го закачуваат на оградите покрај патот.
Можеби најпозната од овие огради е „Кардрона оградата на градниците“ во Отаго. Декорирањето започнало едно утро во 1999 година, кога четири женски градници биле пронајдени во прилог на жичаната ограда покрај патот. Гласини велат дека една група жени ја прославувале новата година во хотелот Кардрона и по напуштањето на пабот доцна во ноќта одлучиле да ги соблечат своите градници и да ги обесат на оградата.
Во текот на следните неколку недели, бројот на градници на оградата постепено се зголемувал, и имало шеесет и повеќе до крајот на февруари 2000 година. Како што се ширеле вестите за оградата, почнале да се појавуваат и повеќе градници. Во следните години имало илјадници градници, а оградата станала единствена туристичка атракција која го добила вниманието од светската јавност.
Освен позитивната популарност оградата добила и „непријатели“ кои сметале дека оградата со градници е срам за целата држава и често се случувало градниците да биде отстранувани, но за краток период оградата повторно била украсувана со градници. Во изминатите неколку години, оградата била искористена за да се соберат пари за „Фондацијата за рак на дојка“ преку донации направени од туристите во розова добротворна кутија на оградата.
Оградата со четки за заби е лоцирана на тивок рурален пат во Те Паху, околу половина час од Хамилтон. Оградата на патот е украсена со стотици четки за заби со живописни бои. Креаторот на оваа атракција е локален човек по име Греам Кернс. Отпрвин оградата растела полека, бидејќи пријателите и посетителите додавале свои четки. Но, со ширењето на славата, луѓето почнале да ги донираат своите користени четки од целата земја, па дури и од странство. Тука е и четката за заби на Хелен Кларк, поранешниот премиер на Нов Зеланд.
Исто така има и огради со апостолки, кои што во Нов Зелан се нарекуваат jandal од јапонски сандали (Japanese sandals). Името е, всушност, заштитена трговска марка, првично поднесена од Морис Јок, за која се вели дека го патентирал познатиот дизајн.
Бетонскиот ѕид во Елтам во централниот град Таранаки има стотици детски играчки. Ѕидот бил создаден од страна на локалната жителка Феј Јанг во 1997 година, кога пронашла детски играчки пред нејзиниот дом.
Таа ја ставила играчката на бетонскиот ѕид за да го пронајде детето, но кога играчката постојано паѓала, ја зацементирала. Потоа други деца ја замолиле да ги додадат своите играчки на ѕидот. Денес ѕидот е долг 20 метри.
