Дуарте Хавиер, од Лондон, се претставувал како „Ана“ на апликации за запознавање и Тиндер и испраќал провокативни фотографии за да ги измами жртвите да се сретнат на „сексуален состанок“. Откако биле намамени во неговиот стан или во парк, на жртвите, на возраст меѓу 26 и 45 години, им биле врзани очите во текот на средбата.
Полицијата смета дека Дуарте има повеќе жртви кои се срамат да ја признаат злоупотребата. Хавиер бил уапсен 2 пати и ослободуван, сѐ додека повторно не нападнал во април оваа година додека бил на кауција. Судијата сугерирал дека можеби тогаш на Дуарте му било дозволено да излезе со кауција, бидејќи неговите жртви биле хетеросексуалци и затоа не се сметале за приоритет.
„Многу е ретко хетеросексуалниот маж да е жртва на сексуален напад, како што знаеме. Се надевам дека фактот дека овие жртви се хетеросексуални мажи не предизвикало да бидат ставени прилично пониско во листата на приоритети.“, изјавил судијата.
Една од неговите жртви била дијагностицирана посттрауматско стресно нарушување. Хавиер бил пријавен во полиција откако жртвата го одврзала превезот.
„Тој беше толку убедлив. Тоа требаше да биде малку забава меѓу две согласни возрасни лица. Сега имам екстремен стрес, анксиозност, напади на паника и депресија. Претходно бев пријателски настроена личност, и сакав да запознавам нови луѓе. Сега чувствувам дека носам темна тајна што секогаш ќе биде дел од мене. Се надевам дека еден ден ќе научам повторно да им верувам на луѓето.“, изјавил еден од мажите.
Дуарте добил вкупно 15 години затвор по сите обвиненија, а полицијата апелира до останатите жртви да ја пријават злоупотребата од страна на Дуарте.
