Биг Френк Александар, телохранителот на Тупак Шакур, бил десната рака на познатиот рапер, и не само што бил присутен кобната ноќ кога тој бил застрелан, туку и видел како се случило тоа. Во интервју во кое се обидува да исчисти секаква негова вина за смртта на раперската икона, Френк открива кој стоел зад убиството.
Затворско обезбедување
Пред да стане телохранител на Тупак, Александар поминал една година во морнарица, а тренирал и како бодибилдер од светска класа. Работел во затворско обезбедување кога му била понудена можноста да обезбедува за Death Row Records, музичката куќа на Пак.
Лудо возење
Шакур побарал „Гоеемиот Френк“ да биде негов личен телохранител откако Александар го спасил Снуп Дог во Њујорк. Двајцата многу се забавувале заедно. Тупак возел како манијак во обид да му избега на своето обезбедување, но Френк вообичаено успевал да го стигне.
Целодневно пушење
Тупак го викале „Трева“ бидејќи по цел ден пушел марихуана. Со самото будење ќе си завиткал џоинт и така го почнувал денот. Френк раскажува дека Тупак најмногу сакал пари, трева и дури потоа жени.
Тајсон откачува
Мајк Тајсон многу се дружел со Тупак. Двајцата се спријателиле поради нивната бунтовна природа. Во една прилика Тупак го качил Тајсон на бина за време на изведба и поранешниот шампион во тешка категорија полудел врескајќи по раперот како некоја тинејџерка.
Стотици жени
Не е никакво изненадување што Тупак бил со многу жени. Големиот Френк вели дека сигурно поминале стотици жени додека тој го чувал, вклучувајќи и познати имиња како Мадона, ќерката на О.Џ. Симпсон и Фејт Еванс, жената на Ноториус Биг.
Борба за време на борба
Ноќта кога се случило пукањето биле на една од борбите на Мајк Тајсон. На борбата присуствувал и Орландо Андерсон, гангстер од бандата Крипс. Кога Тупак го видел, отрчал кај него и го нокаутирал со неколку удари.
Кој те застрела?
Биг Френк вели дека тепачката помеѓу Тупак и Андерсон е тоа што довело до убиството на раперот подоцна таа ноќ. Телохранителот верува дека Андерсон и Крипс сакале да му се одмаздат на Тупак.
Клубот на Шуг
По тепачката, Тупак и неговото друштво се упатиле во клуб во сопственост на директорот на Дет Роу Рекордс, Шуг Најт. Целиот простор околу клубот бил исполнет со автомобили полни со рапери, пријатели и девојки. Тупак од Френк побарал да се вози во друга кола, па така телохранителот не бил во автомобилот на Тупак кога се случило пукањето.
Пукање од автомобил
Возејќи зад Шакур, Френк видел како се доближува бел кадилак и од еден од прозорците бил вперен црн пиштол кон БМВ-то на Тупак, по што биле истрелани 13-15 куршуми, по што кадилакот веднаш се оддалечил.
Мистериозни околности
Како што е познато, еден од истрелите бил смртоносен за Тупак. Многумина го обвинувале Френк Александар за смртта на раперто, па дури и му се заканувале од Дет Роу. Поранешниот телохранител умрел во 2013 година во, како што многумина веруваат, мистериозни околности.
