Се верува дека синот на Осама бин Ладен, Хамза е поставен да ја води Ал Каеда, по смртта на неговиот татко. Информацијата е пронајдена меѓу писмата на Осама, кои биле запленети одреден период по акцијата во која беше убиен. Хамза, кој сега има 28 години, го напишал писмото кога имал 22 години.
Поранешен агент на ФБИ кој ги прочитал документите кои повеќе не се доверливи, изјавил дека Хамза е доволно мотивиран за да го одмазди својот татко. Али Соуфан бил агент, кој, исто така, работел како главен детектив на Бирото за Ал Каеда по 9/11. Тој вели дека синот на Бин Ладен бил спремен за водач на терористичка организација уште кога бил дете.
„Тој буквално вели Американци, ние доаѓаме и вие ќе го почувствувате тоа и ќе се одмаздиме за тоа што му го направивте на татко ми Ирак … Авганистан “… целата работа беше за одмазда,“ вели Соуфан.
Во писмото Хамза пишувал дека се сеќава на секој збор и секоја насмевка на татко му. Дека тој е искован од челик и ќе го прати патот на џихадот, затоа што тој е од Бога. Хамза бил значајна личност во неколку пропагандни видеоснимки за Ал Каеда, уште како младо момче. Тој повикува на терористичките напади во Лондон, Вашингтон и Париз во аудио порака објавена од страна на организацијата во 2015 година.
Тој има снимено четири аудио пораки кои повикуваат на тероризам, во рок од две години. Никој не знае како точно изгледа Хамза денес, но полицијата со помош на техника за менување на возраст, направи фотографија за тоа како би можел Хамза да изгледа денес. Во јануари тој беше ставен од страна на Стејт департментот на листата на терористи, класифициран како „специјален глобален терорист“, истата класификација која ја имал неговиот татко.
Соуфан вели Хамза, исто така ја користи истата терминологија и реченици како татко му. Осама бил убиен во Аботабад, Пакистан на 2 мај, 2011 година, од страна на американската морнарица Фоки Тим Шест. По неговата смрт, десетици писма напишани од него до неговото семејство и високи членови на Ал Каеда беа објавени.
Во едно писмо, мајката на Хамза дури и го молел својот син да ги следи стапките на татко му.
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
