Актер, западнат во долгови, кој убил двајца свои пријатели и распарчил еден од нив изведувајќи го неговиот план да украде пари да плати за неговата свадба и медениот месец е осуден на смрт. 32-годишниот Даниел Патрик Вознијак ќе биде погубен за колењето на авганистанскиот ветеран Семјуел Хер и Џули Кибуиши, злосторство кое било извршено во 2010 година.
Судијата кој председавал со Врховниот суд на Оринџ Каунти, Џон Конли, ја следел препораката на поротата дека тој треба да добие смртна казна. „Осуденикот избрал да не се жени евтино по цената на два човечки животи“, изјавил Конли. „Сакал тоа да го стори со стил, и бил подготвен да убие двајца луѓе кои ги познавал за да го постигне тоа.“
Вознијак бил во тешки долгови во 2010 година кога го застрелал својот сосед за да украде 50 000 долари од воениот ветеран, Стив Хер, пари кои човекот ги заштедил од неговата служба во Авганистан. Вознијак потоа ја намамил Џули Кибуиши, пријателка на Хер, и ја убил, обидувајќи се да направи да изгледа дека Хер ја силувал и убил и потоа избегал. Потоа го фрлил распарченото тело на Хер во еден парк.
Но, измамата била откриена, и по неколку дена Вознијак бил уапсен. Сепак, тешко дека смртната казна ќе му биде извршена наскоро, како последица на настојувањата за промена на законот за смртна казна на Калифорнија во поглед на смртната казна. Од 2006 година навака никој не бил погубен, а во Сан Квентин, затворот во кој ќе се упати Вознијак, својот ред за погубување го чекаат речиси 750 затвореници.
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
