Еден маж во Кина се оженил со мртвото тело на својот партнерка за време на нејзиниот погреб за да ја покаже својата љубов кон неа, откако ја изгубила битката со рак на дојка. 35-годишниот Ксу Шинан се надевал дека свадбената церемонија може да го оствари сонот на неговата покојна свршеница да биде невеста.
Тој веќе 12 години бил заедно со починатата Јанг Лиу, која била облечена во невестински фустан и опкружена со 169 букети рози. На нејзиниот погреб Ксу ги прочитал нивните завети.
34-годишната жена се борела со карциномот 5 години. Специјалната церемонија се одржала во погреботниот салон на Далиан во источна Кина. Ксу рекол дека тој останал покрај телото на Јанг 24 часа на ден во тек на седум дена од нејзината смрт, што е фолклор во Кина за да му оддаде почит на починатиот.
Ксу и Јанг заедно оделе на факултет, таму се запознале и заљубиле. Тие се вериле во 2013 година и почнале да ја планираат свадбата, но само 3 месеци подоцна ѝ бил дијагностициран ракот на Јанг. Јанг никогаш не плачела и не се жалела, таа секогаш била насмеана и барала од нејзиниот вереник да не плаче на нејзиниот погреб.
Ксу вели дека се решил за „венчавката на погреб“ откако на нејзиниот лаптоп открил дека барала невестински фустани.
Тој ѝ ветил дека ќе ѝ ја купи најубавата венчаница кога таа ќе оздрави, но за жал ова никогаш не се случило. Затоа го направил тоа кога починала. Жената подоцна била кремирана.
