Секако дека никој не очекува утре да му падне нуклеарна бомба во дворот, но секако во овие нестабилни времиња ниту ваков напад не е исклучок. Ние се надеваме дека овие совети никогаш нема никому да му затребаат во животот, но сепак добро е да се знае што да се очекува.
Оние што се најблизу до бомбата би се соочиле со смрт, додека секој оддалечен 8 километри би можел да претрпи изгореници од трет степен. Луѓето до 85 километри може да доживеат привремено слепило. Но, подолготрајна закана ќе дојде минути и часови по таа експлозија.
Во случај на нуклеарна експлозија, преживеаните би имале околу 15 минути пред да стигнат до земја радиоактивните честички, познати како нуклеарна последица. Луѓето треба веднаш да бараат засолниште, но не сите засолништа се еднакво ефикасни: Најдобри видови обично се училишта или канцеларии направени од тула или бетон.
Кога ќе влезете внатре со неколку мерки за спасување на животот може да се намали ризикот од контаминација. Исто така, постојат работи што никогаш не треба да ги правите, како миење на косата со балсам.
Еве што ТРЕБА да направите
Спуштете се на земја со лицето надолу и рацете ставете ги под вашето тело
Центрите за контрола и превенција на болести ја препорачуваат оваа позиција затоа што ќе ги одржуваа вашите раце, и лице подалеку од остатоци или топлина што може да ја изгори кожата. Штом ќе се намалат шок брановите, може да станете и да барате засолниште.
Покријте го лицето со пешкир или облека
Ако имате шал или марамче во близина за време на нуклеарна експлозија, паметно е да ги покриете носот и устата.
Пронајдете зграда од цигла или бетон, како што е училиште или канцеларија
ФЕМА ги идентификува зградите од тули или бетони како најбезбедни форми на засолниште по нуклеарен напад. Идеално, најдоброто засолниште ќе има неколку прозорци и подрум. Училиштата или канцелариите обично ги исполнуваат овие критериуми. Сепак, мобилните домови се сметаат за премногу кревки за да обезбедат доволно заштита.
Ако во рок од 15 минути од местото каде што стоите нема безбедни згради, подобро е да пронајдете некој вид засолниште отколку да останете надвор. Ако откриете дека близу има побезбедна зграда, почекајте барем еден час пред да се обидете да се преместите. Во тоа време, потенцијалот за изложеност на зрачење веројатно ќе се намали за околу 55%.
Исклучете ги греалките и клима уредите
Воздухот кој тие го користат доаѓа однадвор така што можат да шират загадени честички низ вашиот дом или засолниште.
Истуширајте се што е можно поскоро
Луѓето кои биле надвор за време на експлозија треба да се истушираат што е можно поскоро, осигурувајќи се дека водата е топла и сапунот се нанесува нежно.
Еве што НЕ ТРЕБА да правите
Не гледајте директно во експлозијата
Во зависност од тоа колку сте блиску до нуклеарна експлозија, можеби е невозможно да се избегне првичното распрснување на светлината, што може да ве заслепи за околу 15 секунди до една минута. Една мегатонска бомба (тоа е околу 80 пати поголема од атомската бомба „Мало момче“, фрлена на Хирошима, Јапонија) би можела привремено да ги заслепи луѓето до 20 километри во еден ведар ден, и до 85 км далеку во ведра ноќ.
Не се засолнувајте во вашиот автомобил
Федералната агенција за управување со вонредни состојби (ФЕМА) ги советува луѓето да не се засолнуваат во своите возила. Стаклените прозорци на автомобили и металните рамки можат само да ја влошат ситуацијата а не да ве заштитат од изложување. Исто така возењето не се исплати бидејќи не знаете каде ќе патува зрачењето. Освен ако не планирате со автомобилот да одите кон подземна гаража или безбедна зграда.
Не стојте во близина на прозорец кога ќе влезете внатре
Ако влезете во зграда со повеќе ката не одете на најдолниот или најгорниот кат, туку некаде во средина. Ако вашата структура има прозорци, ФЕМА советува да стоите далеку од нив, во центарот на просторијата. Тоа е затоа што шок брановите можат да уништат прозорци до 5 километри подалеку од експлозија, што резултира во летачко стакло што може да ги повреди луѓето што се премногу блиску.
Не ги барајте веднаш членовите на вашето семејство
Министерството за здравство и човечки услуги на САД препорачува да се остане во затворено најмалку 24 часа во случај на нуклеарна експлозија. По 48 часа, стапката на изложеност од експлозија од 10 килони (типот што може да оштети, но не да уништи град) се спушта на само 1%.
Не користете балсам по шампонот
Тоа е затоа што балсамите носат соединенија наречени катјонски сурфактанти, кои се врзуваат за радиоактивни честички и можат да ги заробат во вашата коса. Во суштина тие би делувале како лепак помеѓу вашата коса и радиоактивниот материјал.
