Најголемото изненадување на Мајкрософт од најновиот настан на „Surface“ во Њујорк беше вклучувањето на паметен телефон. Surface Duo е паметен телефон со двоен екран со Android кој ќе биде достапен за поседување следната година.
Додека имаше рани „протекувања“ на нивните Surface таблети и лаптопи, никој не го виде доаѓањето на телефонот откако Microsoft пред неколку години го напушти Windows Phone.
Главниот шеф за производи на Мајкрософт, Панос Панај, бргу изјави дека ова не е само обичен мобилен телефон: „Не правете грешка, овој производ е Surface, заради тоа колку продуктивни можете да бидете на него. Научно знаеме дека ќе бидете попродуктивни на двата екрани.“
Она што го прави различен од Samsung Galaxy Fold и Huawei Mate X е фактот дека станува збор за два посебни екрани, а не само еден. Тој лесно се склопува доколку не сакате да го користите или сакате да користите само еден екран. Секој дисплеј е 5,6 инчи.
Бидејќи нема ниту еден екран низ целата внатрешност, не треба да има оштетувања на уредот. Еден од најголемите шокови е тоа што Windows работи со Android, наместо да се обидува да го рекреира оперативниот систем Windows. Верзијата на Андроид што се нуди изгледа слично на оперативниот систем Windows 10х што се користи на Surface Neo.
Уредот во моментов е во ран преглед, за да биде лансиран во есента 2020 година. Раната објава беше искористена за да помогне во креирањето на возбуда и исто така да ги охрабри програмерите да започнат да ги прават своите апликации компатибилни.
