Геолозите открија долго изгубен континент, кој се крие под јужна Европа милиони години. Не, тоа не е Атлантида, тоа е всушност парче од континентална кора со големина на Гренланд, позната како Голема Адрија.
„Заборавете на Атлантида. Без да го сфатат тоа, огромен број туристи годишно го поминуваат годишниот одмор на изгубениот континент Голема Адрија “, вели водечкиот истражувач Дуве ван Хинсберген во изјавата.
Тој беше откриен од тим истражувачи од универзитетот Утрехт во Холандија, кои започнаа со мисија да ја документираат неуредната геологија на Медитеранот, објавувајќи ги своите наоди во списанието „Gondwana Research“.
Сите денешни континенти на Земјата некогаш биле здружени во суперконтинентот познат како Пангеа, сè додека не се разделиле пред околу 175 милиони до 200 милиони години за да се формира Гондавана (која на крајот се распаднала во Африка, Јужна Америка, Антарктикот, Индија и Австралија ) и Лауразија (Евроазија и Северна Америка).
Потоа, пред околу 140 милиони, Голема Адрија се раздели од Северна Африка и се фрли во мантија под јужна Европа. Бидејќи континентот се лизгал под Европа, горните слоеви на седиментна карпа „испаднале“ и ги формираа планинските појаси на Апенините, делови на Алпите, Балканот, Грција и Турција.
Додека поголемиот дел од континентот е под вода, сè уште можеме да го видиме наследството на античкиот континент во делови од Медитеранот денес.
Откривањето на Голема Адрија се заснова на една деценија работа од страна на тимот. Откако ги проучувале староста и магнетните својства на карпите низ регионот, тие потоа создадоа модели за да ги следат движењата на тектонските плочи на Земјата.
