Откриени се дизајните за првиот комерцијален вселенски хотел што ќе биде како брод за крстарење и тие навистина се надвор од овој свет.
Вселенската станица Фон Браун е дизајнирана од страна на Фондацијата Гејтвеј, Тим Алатор и ќе има гравитација, функционални кујни, барови и ентериери со „природно чувство“.
Се очекува да биде „оперативна“ до 2025 година со 100 туристи кои ја посетуваат станицата неделно, според високиот архитект за дизајн зад проектот.
Тој вели и дека вселенската станица нема да е само за милионерите: „Бидејќи вкупните трошоци сè уште се многу високи, повеќето луѓе претпоставуваат дека вселенскиот туризам ќе им биде достапен само на супер богатите, и додека мислам дека ова ќе биде точно за следните неколку години, Фондацијата Гејтвеј има за цел да го направи вселенското патување возможно за сите.“
Надминувајќи ја технологијата на Меѓународната вселенска станица (ISS), вселенската станица Фон Браун ќе има вештачка гравитација што ја издвојува од ISS. Нејзиниот дизајн е заснован на концепти развиени од Вернхер фон Браун во 1950-тите.
Тркало со дијаметар од 190 метри ќе се ротира за да создаде гравитациска сила слична на онаа што се чувствува на Месечината. Дваесет и четири индивидуални модули се наоѓаат околу тркалото и се исполнети со сместувачки капацитети за спиење.
Архитектот очекува станицата да смести околу 400. Некои од модулите на станицата ќе се продаваат како приватни резиденции додека владините и научните агенции ќе можат да ги изнајмат другите.
Внатре, ентериерите ќе бидат направени од природни материјали и на посетителите ќе им понудат удобно и домашно искуство.
Тоалетите ќе функционираат нормално во хотелот, а тушевите ќе користат рециклирана вода. Храната ќе се сервира во стандардни ресторани.
