Две студентки открија метод за трансформација на пластика во други корисни хемикалии, соединенија и вода.
21-годишната Жани Јао и 22-годишната Миранда Ванг со години го развивале својот проект и велат дека имаат решение да ги претворат пластичните отпадоци во корисни компоненти за текстилната индустрија.
Тие го прават тоа со помош на „генетски конструирани бактерии“ за хемиски деформирани пластични полимери – како што се полистирен и полиетиленски филм – и ги претвораат во органски соединенија, кои потоа се подложуваат на „биолошка конверзија“ во повеќе корисни производи.
Двете девојки ги презентираа своите наоди на неодамнешниот TED разговор и добија не помалку од пет престижни награди од Виртон Школата на Универзитетот во Пенсилванија за нивните наоди. Тие, исто така, освоија голем број на натпревари за претприемништво за нивното откритие и обезбедија повеќе од 300.000 американски долари за финансирање.
Тие сега планираат да се преселат во Силиконската долина за да го продолжат развојот на нивната иновативна технологија.
Проектот на Жани и Миранда – BioCellection – има за цел да го пренамени пластичниот отпад во други текстили и соединенија, кои потоа можат повторно да се искористат. Ова е направено со користење на генетски конструирани бактерии кои можат да ја разложат пластика во својата најосновна, хемиска форма.
Генетски модифицираните бактерии можат ефикасно да ја растворат пластиката во јаглерод диоксид и вода. Научниците веруваат дека тие можат да ја претворат глобалната пластична криза во „поголема можност“, со рециклирање на пластиката „надвор од нафтената јамка“ и „нарушување на текстилната индустрија“.
Студентките велат дека нивниот производ ќе стане комерцијално достапен за 2 години.
