Во Саботата, Шварценегер повторно се сретна со неговата поранешна љубовница, Милдред Баена, на Универзитетот Пепердин, во Лос Анџелес, по повод дипломирањето на нивниот заеднички син, Џозеф.
„Честитки Џозеф! По четири години напорно учење бизнис, ова е твојот голем ден! Го заслужи сето ова и премногу сум горд на тебе!“- напиша поранешниот гувернер на Калифорнија, 71-годишниот Арнолд, постирајќи заедничка фотографија од него и неговиот син.
Џозеф е плод на љубовта меѓу Арнолд и неговата поранешна љубовница, која исто така присуствуваше на церемонијата.
Нивната афера беше јавно објавена во 2011-та година, само неколку недели по неговата објава дека се разделува од сопругата Марија Шривер, со која беше во брак долги 25 години. Милдред беше слугинка во нивниот дом.
Ѕвездата од „Терминатор“ изгледаше одлично во сив костум, надополнет со додатоци по најнова мода, додека пак Милдред се потруди да се издвои од толпата во неонско розево сако.
