Мартин Мартинов е сопственик на ресторан во центарот на Софија. Тој донел одлука дека освен за своите гости ќе се грижи и за десетици луѓе кои останале без своите домови или се во тешка животна ситуација.
Секој работен ден помеѓу 17:00 часот и 18:00 часот, Мартин и неговиот персонал подготвуваат два вида на јадења, а понекогаш и три, за скоро непознати граѓани на Софија. И тоа не го прават за да покажат милостина, туку за да покажат човечност.
Мартин ова не го прави тајно, но не се обидува ниту да биде наметлив. Поголем дел од сиромашните граѓани не го познаваат Мартин, не знаат како изгледа и со што се занимава. Тие едноставно му се многу благодарни.
Истите луѓе ја искористуваат бесплатната вечера на Мартин. Околу 80 луѓе дневно. Со доаѓањето на зимата, нивниот број се очекува значително да се зголеми. За некои ова е малку голем предизвик. Мартин го нарекува ова „долг“. И да има, и да нема пари, тој ветил дека ќе даде храна. Тој ќе го стори тоа на Бадник и Божиќ.
Има голем број на луѓе кои доживеале несреќи во животот. Тие доаѓаат до степен која повеќе не можат да се справат со нив и затоа имаат потреба од помош. Затоа Мартин ќе продолжи да ги храни целата зима.
Персоналот на ресторанот, како и волонтери се вклучени во оваа негова хуманитарна акција. Непознати луѓе со малку слободно време доаѓаат да помагаат на другите луѓе со голема потреба од поддршка.
Од приказната на Мартин може многу да се научи за човечноста и несебичноста, да се надеваме дека ќе следат повеќе примери од ваков тип на нашите простори.
